5 მარტს, გალის რაიონის საგანმანათლებლო რესურსცენტრის უფროსი ნონა შონია, აფხაზეთის  ავტონომიური რესპუბლიკის უმაღლესი საბჭოს თავმჯდომარემ გია გვაზავამ, აფხაზეთის ა/რ უმაღლესი საბჭოს საპატიო სიგელით დააჯილდოვა. აფხაზეთის ა/რ განათლებისა და კულტურის სამინისტრო ულოცავს ქალბატონ ნონას ამ ჯილდოს.  
 გალის საგანმანათლებლო რესურსცენტრი 2007 წლიდან ფუნქციონირებს და მისი მხარდაჭერით, ოკუპირებულ გალის რაიონში უდიდესი სახელმწიფოებრივი მისია ხორციელდება, რომელიც უკავშირდება გალის რაიონის ქართულ საგანმანათლებლო საქმეში აქტიურ ჩაბმას. 
 საპატიო სიგელი, ნონა შონიას აფხაზეთის ავტონომიური რესპუბლიკის განათლების სისტემაში ნაყოფიერი მოღვაწეობის, ახალგაზრდა თაობის აღზრდის საქმეში შეტანილი პირადი წვლილის, აქტიური საზოგადოებრივი საქმიანობისა და მაღალი მოქალაქეობრივი პოზიციისათვის გადაეცა.