აფხაზეთის განათლებისა და კულტურის მინისტრი დალი ხომერიკი და აფხაზეთის მთავრობის თავმჯდომარე გიორგი ბარამია ოფიციალური ვიზიტით საფრანგეთში იმყოფებიან.
ვიზიტის ფარგლებში, დღეს,  გიორგი ბარამია და დალი ხომერიკი ქართულ დიასპორის წარმომადგენლებს შეხვდებიან. შეხვედრისას, აფხაზეთის მთავრობის თავმჯდომარე ოკუპირებულ აფხაზეთში მიმდინარე მოვლენებზე ისაუბრებს.
 3 მარტს, აფხაზეთის მთავრობის თავმჯდომარე და აფხაზეთის განათლებისა და კულტურის მინისტრი საფრანგეთში, ლევილის ქართველთა სასაფლაოს ეწვევიან და აფხაზეთის ავტონომიური რესპუბლიკის მთავრობის პირველ თავმჯდომარის, არზაყან ემხვარის საფლავს გვირგვინით შეამკობენ. აფხაზეთის მთავრობის თავმჯდომარე გიორგი ბარამია, ქართველთა სასაფლაოდან აფხაზ ხალხს კიდევ ერთხელ მიმართავს და აფხაზ და ქართველ დედებს დედის დღეს მიულოცავს.